هي العشوائية

هي العشوائية ، اللي اتولدت في أحضانها .
 و هي اللي اتربيت عليها ، و بقت صفة من صفاتي .
 هي رمز بلادي و ناسي ، هي مننا .. هي اللي بيها بتضيع حاجات مننا ، يا نلاقيها ، يا تروح مننا
ايوا عدم النظام هو اللي بنفقد بسببه حاجات و ناس
بسببها فقدت عزيز
و معرفناش نجيب حقه
و سلمنا أمرنا لربنا
و عشنا حياتنا كدا و كدا
بس هي لسا حولينا و وسطينا و جوانا
و بتبهدلني ساعات كتير و مرممطني قدام الناس أحيانا
و مرمطت قلبي
و شكلي
و رسوماتي
و لغبطت دنيتي و أحلامي
و المباني
اللي قدامي
و اللي ورايا و لسا ...
دي أمي طول عمرها بتقولي
وضبي أوضتك وضبي
حتشقلبي حياتك و تتشقلبي
وضبي وضبي

القرارات ما بتتخدش الا بيها
هادي بادي
و كرنب زبادي

مفرد  يا عباد
امتي جمع شمل البلاد
شيل دي و دي
كان مكنها هنا مش هناك
اجمع الشتات
و نرجع اللي فات
من زمان جميل قد بات
مجرد ذكري ...و آهات

عشوائية
انا وهي
فيك و فيا
لا قضية واحدة تجمعنا
كله يبات ..
بأحلام صغيرة تكفينا و تشبعنا

 و نسينا أحنا مين
أصل أحنا أتولدنا مش عارفين
يبقي ننسي أزاي يا مين
أحنا كبرنا علي المزيك
و كلام الحب و لحس الفتافيت

وضبوا و أعقلوا
دوروا و فتشوا
أحنا أكبر
بس نرتب  نرتب
و هي حتتستف